- Version
- Download 103
- Dateigrösse 1.002 kB
- Datei-Anzahl 1
- Erstellungsdatum 21. November 2023
- Zuletzt aktualisiert 21. November 2023
Liedtext:
A Büttel ond a Krettaweib, des will i dir bloß sa',
Des isch d'r beste Zeitvertreib, zu dem send mir jo do.
Ond wenn noch wieder d'Fasnet kommt, de'sch onser schönsta Zeit:
Do treibet mir's ganz Städtle om, do hand mir onser Freid.
Mir mit on'sre greane Kittel, mir send d' Eh'gner Narrabüttel.
Ond dia mit de rote Leibla, das send onsre Krettaweibla.
Traga dent se ihre Männer, ob se fett send oder denner
Von drhoim ens Wirtshaus nei ond wenn se g'nuag hand wieder hoi.
A Büttel ond a Krettaweib, des will i dir bloß sa',
Des isch d'r beste Zeitvertreib, zu dem send mir jo do.
Ond wenn noch wieder d'Fasnet kommt, de'sch onser schönsta Zeit:
Do treibet mir's ganz Städtle om, do hand mir onser Freid.
En de Fahrzeug gelb ond grea, send mir Büttelb'sonders schea,
Brenget mit viel Sachverstand da Stadtverkehr ganz duranand,
Kommet noch en'd Ämter nei, führet d'Fasnetsordnong ei,
Wenn ma d´Büttel schella hört, noch lauft en Eh´gna älls verkehrt.
A Büttel ond a Krettaweib, des will i dir bloß sa',
Des isch d'r beste Zeitvertreib, zu dem send mir jo do.
Ond wenn noch wieder d'Fasnet kommt, de'sch onser schönsta Zeit:
Do treibet mir's ganz Städtle om, do hand mir onser Freid.
Krettaweiber-wonderschea, an d'r Fasnet ka'sch se seah,
Rote Zenka, schwarzer Huat, des stoht eis älle b'sonders guat.
Krattlig kommet mir d'rher, onsre Weiber traget schwer.
Älle Leut dia klatschet fest, a Krettaweib, des isch halt's Best.
A Büttel ond a Krettaweib, des will i dir bloß sa',
Des isch d'r beste Zeitvertreib, zu dem send mir jo do.
Ond wenn noch wieder d'Fasnet kommt, de'sch onser schönsta Zeit:
Do treibet mir's ganz Städtle om, do hand mir onser Freid.